One bricklayer, Demola Wasiu, na him Police for Lagos State don catch say he kpain him padi, Lekan Omotosho, 27. Tori yarn us say Wait wey come from Ede, Osun State, chuke him padi wey come from Ogun State for armpit after he no gree help am charge his phone. Tori say person wey dem chuke lose plenty blood before dem rush am go Lagos Island General Hospital, where he kawasaka on Friday. The suspect, wey police from Lion Building division catch, don dey State Department of Criminal Investigation, Yaba. Tori clear us say Omotosho dey learn mechanic for one workshop for Ajele Street, Lagos Island, and na from Mowe, Ogun State he come Lagos 3 months ago. Him oga, Olayinka Oyinloye, say he don warn am make he Waka far from Wasiu wey be him padi afta dem catch am for one offence wey he no sabi anything about. He say just 2 months ago, police catch am when he dey monitor Wasiu phone. He say the wahala be say dem dey smoke igbo for the place where dem dey charge phone. He say for all the time wey he dey police dommot, dat him yeye friend no even go see am. He say afta he bail am, he don warn am say make he Waka far from Wasiu.
No comments:
Post a Comment