Lasgidi Police don catch one Lawrence Ikonne wey dey sell on
top him kpain him customer, Isa Yaya as per say the guy too price wetin he wan
buy. Punch metro here say the thing shele for ikonne house wey dey for Afro
Close, Afromedia estate, Okokomaiko Lagos.
Tori say na electronics ikonne dey sell for Alaba Market o,
na so the 22 year old yaya wey be Aboki follow am go him house o say him wan go
buy one second hand Air Conditioner, cos na him own business be that make he
dey buy dey resell iron wey don condemn. But wen dem reach house dem gather
hand carry the AC commot from inside house and after Yaya price am reach 5000
naira, Ikonne say him no dey go below 5k but Yaya no gree. So Ikonne ask am
make he help am carry am enter house back, na so Yaya say na lie o.
Na him refusal vex Ikonne wey make am carry plank whip Yaya
for belle o, na so the guy take fall o, as he faint na so Ikonne tie am carry
am go corner run commot from house and na so Yaya take die o. Police sha don
catch Ikonne and na beg he dey beg o say na vex him vex.
No comments:
Post a Comment