NA CASHLESS POLICY FIT DO THE MAGIC O- CBN

Oga Governor for we Central Bank for Nigeria, CBN, Mrs Sarah Alade, don yarn say na cashless policy fit do the abracadabra wey go turn naija  economy into first class one o, and say the policy no be to stop the use of physical cash for payment patapata, but na to reduce the way cash take dey waka for the system.

Alade yarn yesterday for Ilorin wen CBN dey do sensitisation programme for the cashless policy. She say the sensitisation programme dey necessary make we pipu take understand the policy, say we also dey enlarge the financial contact points make e include areas like post offices, motor parks and corner shops.’’

 

The CBN Oga also explain say the policy involved pipu wey get pass N500,000 to take do business for one day , say pipu wey rural areas plus including other Nigerians wey no get that kain money to take do business make dem go relax, cos nothing concern fish with rain coat, the mata no concern dem.