Security don increase for Nigerian Air
Force Tactical Air Command for Makurdi
wey dey Benue State, on top gist wey dem hear say some bad pippu dey plan to
attack dem.
Punch correspondent na him hear d gist
say the Ogas for NAF don command dem personnel say make dem no gawk am o, make
those bad pipu no fit come do dem strong thing, dem say na after dem Fulani
pipu and Tiv people for one community finish dem gbege for back of Air
Force Base, wey dey along Gboko Road for Makurdi on Wednesday, na him dem
collect letter wey dem boko haram boys send dem say make dem dey wait for dem
o.
The story say some Tiv people who dey
vex as per say dem lost some of dem personal persons for the kasala wey burst between
Fulani herdsmen and farmers go one Fulani pipu camp go warn dem and advice dem
make dem disappear from d place.
Dem say na make dat kain thing wey
happen on December 2, 2013 wen Boko Haram pipu wake up early momo go attack
dem for the Composite Group of Air Force
Base, Maiduguri, and dem fit spoil 5 aircraft.
No comments:
Post a Comment