No be small thing yesterday, as Naija Police decide say
make dem ginger the swagger of some of dem officers wey don try do well for
this period, those wey don do well pass Jack Bauer for the assignment wey den
give dem. Na him make dem Oga Patapata Mohammed Abubakar declare surplus
yesterday say make dem promote 24,118 officers.
Na only one person dem promote from Commissioner of Police
to Assistant Inspector General of police and different promotion to different
level for different people, cos even shoes get size, na so CSP Frank Mba who be
the PRO for police talk am yesterday wen he dey deliver the good news.
Oga patapata come advice dem say make dem no see dem
promotion like say na only for flexing things o, but na make dem try do well
and do better things with dem new power o and say make dem rededicate demself
to the work wey dem choose.
No comments:
Post a Comment