BEGIN DEY DISTRIBUTE LIGHT O, SAMBO YARN TCN

We Federal Government for naija don command the Transmission Company of Nigeria say make e take over all transmission lines wey dem don complete make dem take allele start to dey distribute power.

Vice President Namadi Sambo na him make d commandment wen he dey rub minds with the board and supervising management of the TCN plus including other officials of the power sector for the Presidential Villa, Abuja.

According to the megaphone of TCN, Umar Sanni, the Vice President yarn dem Chairman for TCN, Ibrahim Waziri, say the government don fit identify areas wey go make am achieve him objective to dey supply power steady.

The areas wey dem fit identify na to give beta money to the power sector; make dem addressing how dem dey generate am and make dem develop gas infrastructure wey dem take dey supply gas; plus including the production of hydro-power plants wey go make dem fit meet dem goal wey dem call vision 20:20.