E be like say we don dey reach the end of how tomatoes dey cost for Naija o bcos some researchers for Naija don see one melecine, wey Oyinbo dey call pesticide, wey fit kpain the yeye insect wey dey tranga for we crops especially tomatoes for Naija. Tomatoes don turn gold for Naija for some time now afta the yeye insect, Tomato Leaf Miner, chop 80% of we tomato farms for Kaduna state, wey dey North for Naija. As e chop am for Kaduna, na so e chop am for other states for North and we farmers don suffer for hin hand no be small. But now O, we National Research Institute for Chemical Technology for Naija say dem don find solution – one pesticide wey go kpain the kokoro. But farmers wey the thing dey chop dem farm go do patience small cos the pesticide never dey market for sell. Na so, Naija no dey carry last.
No comments:
Post a Comment