The Chairmo for the Oyo State, Nigeria Labour Congress, Comrade Waheed Olojede plus others wey dem hold for Agodi Prisons for Ibadan na him dem don free on Monday morning afta teachers plus students enter town dey do Aluta say make dem free dem. NLC for the state don come polongo say make workers for the state enter strike wey no go finish until government say dem no dey carry secondary schools for the state give private pipu again, and dem throway all yeye mata wey dem put for the neck of dem Labour leaders for court and dem pay all the salary wey dem dey owe workers, even pay pension wey dem dey owe pipu wey don retire. The NLC come still beg artisans, market men plus market women, plus even pipu wey wan buy the school say make all of dem join dem for the struggle say we no gree make dem carry public schools give private pipu.
No comments:
Post a Comment