Elsie Okpocha, wey be the wife of beta Comedian, Bright Okpocha wey everybody sabi as Basketmouth don join plenty celebrity wey dey halla on top how dem catch Lekki Gardens Oga o. But her own different one kain cos her own halla be say the Oga, Richard Nyong hand no dey the matter, he no do anything bad, him hand pure.
Why she think so be say just like Lagos State government yarn say na the things wey dem take build the house no good, she too say on top instagram say the Oga, Nyong don mark the building say dem go repair am when he see say contractor wey dey build the house before don fumble and bcos of Dat he no allow anybody, even workers make dem sleep inside the building, but na Rain wey dey fall make pipu run enter the house go crash before the thing come fall on top dem when dem dey sleep.... Hmmmm..... My Pipu, wetin una think?
No comments:
Post a Comment