The former Oga for Petrol (wey we no see buy for some days
now) Oga Professor Jubril Aminu don take time yesterday to warn him brothers,
dem politicians for North wey dey reason am say dem wan block Bros J or hold am
make he no fit run for this coming 2015 election say make dem bone the mata o,
cos their muscle no reach.
The Oga say true true anybody get mouth to talk wetin he
like as per say democracy no send anybody, but the thing dey pain as as some
people go just dey run their mouth anywhere dey talk any how on top matter wey
no get head. Say one of that kain mata wey dey pain am for hear na the kain
argument wey some of him brother for North dey yarn say our Presido, Bros J no
get right to run for 2015 election. He say any of dem wey get mind say he wan
stop Uncle Jona, make him no think am say he wan go court, but say make him too
just go buy form, make he follow Uncle Jona run for the election.
The Oga say if any of them come get muscle and get mind beat
our Presido for the election, then bros J no get option pass make he commot
from Aso villa go back to him village, and he say make we no gree make dem
deceive us o, all those wey dey talk any how and claim say dem dey talk for
politicians from North dey talk for only
themself and wetin dem wan chop. Na when him dey yarn with Vanguard News
yesterday he clear the matter.
No comments:
Post a Comment