LEKKI GARDENS :DADDY FREEZE OF COOL FM DON START #JUSTICE4ALL CAMPAIGN ONLINE

Daddy Oyinbo Freeze of cool FM wey like gbege pass the way monkey dey like banana don vex O. And he don carry that vexation start one kain Ogbonge campaign on line where he dey swear say he no go let Naija rest until dem give Justice for all pipu. Wetin ginger all dis no pass how Lagos State government go catch Oga of Lekki Gardens say and one of him contractors say pipu kpain for dem building wey fall for Lekki last week. Daddy Freeze say whateve good for monkey suppose good for Gorilla. 

So if dem fit carry handcuff go catch Lekki Gardens Oga, Richard Nyong and him contractor, Taiwo Odofin like criminal make dem go catch TB Joshua too wey over 100 pipu kpain for him synagogue last year and he Neva show for court talk less of say dem go catch am. The hashtag don dey catch fire small small o, as plenty other celebs don dey join  and he be like say Daddy Freeze mean beta bizness. #Justice4all