E be like war film yesterday when some bad boys form Rambo and
Commando enter vine Branch church wey
dey Queen Elizabeth Road, mokola for Ibadan with the bad mind say make
den delete the church thites and offering.
According to the gist wey we hear, the bad boys gather enter
church join normal people before den try hayaj the banker wey den think say
carry God money, but Baba God himself don move him money before den fit do
anyhow. Na when the robbers come finally realize say den don jonze den vex
start to dey shoot anyhow wey cause katakata for inside the church auditorium.
But big salute to our police for naija as den too show
themselves small, den try fall one of the robbers but him guys still manage
carry am follow body, but two of the policemen wey dey on duty no dey lucky cos
wen the robbers fire the police van wey dey outside the church, bullet touch
two of the three police men and na there den die. But God save one of them as him
own odeshi get mind work for inside church compound. The boys try say make den
cover their y**sh as den make moves to scatter all the machine wey monitor the
action. The police PRO of Oyo State, DSP Olabisi Ilobanafor, confirm am say 2
of dem guys for police fall for the mata.
No comments:
Post a Comment