ALL DIE NA DIE, 32 PIPU KPAIN FOR REFUGEE CAMP FOR BENUE

This one na wa o, like 32 pipu wey dey think say dem don escape death for the surutu wey Fulani pipu dey cause for some areas for Benue State na him report say dem don finally go die for the camp wey dem dey rest dem head near Bank area for Makurdi town.

Saturday Vanguard’s investigation show say children and old pipu wey run from the gobe na dem don dey expose to some kain bad conditions for the camp, wey many of the pipu arrange for demselves.

Investigations still show am say yanmayanma disease wey like to dey chop small small pikin like measles, diarrhea and malaria don follow dem dey stay for the camp, and apart from that sef many of the pikins no dey chop better food.