Like play, like play, dem Ishawuru, Ultimate Power pipu don dey take style dey cover the full world with dem Christian films ministry. Na for time wey no too tey, we yarn una say dem wan start dem own Cable TV station wey go dey on top Contact, and after Dat dem don start am. Now the Papa wey dey on top the Mount Zion FILM Ministry don polongo again, say na the full world Baba God for one sell dem, because on the 1st of June dem go launch for USA on top TVAFRIQUE and e no come end for there O, very soon dem go still launch dem Mobile APP, wey go mean say dem don cover the full world be dat and come dey sama pipu beta films wey be Christian films all over the world. We say congratulobia to Daddy Mike and Sister Gloria BAMILOYE plus the full Mount Zion family. I pray say one day we own dreams too go turn reality.
No comments:
Post a Comment