Na wetin everybody dey pray for happen when BOVI bury him Mama yesterday for dem village for Delta State. All the big big comedians like Ali Baba, Basketmouth, I go dye, I go Save, Ogus Baba etc plenty for there go show love to dem Padi wey loose him Mama. (see pinshure afta dis break)
Other pipu sef come, pipu like Delta State Governor, Oga Amaju Pinnic for NFF, RMD plus plenty others. Wetin come totori me pass for the whole mata na when dem dey church has wey Julius Agwu (Upcoming Pastor) go collect mic from dem choir members dey sing wey I go dye come stand for him back, put hand for Pocket dey form back-up and shey you fit guess person wey dey drum for dem, na Basketmouth... Who Sabi say Basketmouth for play drum? We for AT&T follow dem wish Mama BOVI beta sleep for Baba God Area.
No comments:
Post a Comment