One Yoruba adage say Dada no fit fight but he get broda wey sabi. Na so the mata come dey be for Naija o, cos as we Super Eagles dey fumble reach dem brodas wey neva pass 17years old on top paper don do well again for the 5th time. Na yesterday nite reach dis early momo dem play the match where Naija play Mali for Chile 2015. First half be like say dem dey get us but for 2nd half we tell dem say Ponmo no be ordinary leather, when we sama dem 2 beta goals within 3 minutes, as dem try reach to return am we no gree collect am for dem hands. Na so Amuneke Boys take carry the cup come home. So we for TPN say congratulobia to Naija and to Sai Baba
No comments:
Post a Comment