Walahitalahi me no dey reason am say Jazz Music fit make brain like dis. Wetin carry me commot from my house na invitation wey my tear rubber friend Tosin Salako give me, especially when he yarn me say my Aunty wey I neva meet go dey there, Yinka Davies. So na there we dey now o and the place dey make brain die for Nustreams Conference Center wey dey for Alalubosa, dem call the programme An Evening of Jazz Fusion with Notion Band. Dem say make we relax, make we refresh plus make we inspire join. To come put sugar for the tea na Aunty Yinka dey anchor. Walahi if you no dey here you dey miss. No vex for my pinshure wey I snap from where I hide for back of the hall.
No comments:
Post a Comment