Friday, November 6, 2015

E DON HAPPEN...DON T DON FINALLY SHOW AGAIN ON TOP PETALS FM

Head of Good Music Player as the bros like to dey hail himself don show again o. Nobody fit lie say the bros no be baba, dat na why dem dey halla Don T Baba anywhere he show face. Na some few years ago he commot from radio, when he commot from Splash fm. The bros wey be one of the radio ancenstors for Ibadan as per say na dem start dis kain hippy hoppy things for Ibadan radio and many of us fit kee ourself to hear dem dat year. Now he don show again on radio, dis time on top Petals Fm. Na TPN first talk am some weeks ago say we dey suspect but Don T confirm the levels on top him facebook page yesterday say he don come again every 4pm on top Petals 102.3fm. Now the competition no be here again o, no dulling for ibadan again. Welcome back bros.

No comments: