Yesterday na anoda drama for inside we House of Rep, when the fighters wey we vote for make dem go represent us for Abuja start dem normal brouhaha. Na still APC vs PDP. And wetin cause the gbege gangan na the money proposal wey be like 413 Billion Naira wey Presido Buhari say made dem confirm make we take dey settle subsidy. Na so one of dem from PDP say shebi oil money don reduce for world market to 48 dollars for one barrel, if na so subsidy money suppose reduce too na, and infact sef Buhari don yarn us when he dey campaign say he go commot subsidy. Na so Gbajabiamila vex for Leo Ogor wey yarn, say na lie Buhari no talk so. Na so kasala take burst wey dem dey yab dem mama, dey shout for inch other like primary school shidren. I shake my head for dis Broses.
No comments:
Post a Comment