If you claim say you be whatsup persin for Ibadan and you no sabi Fashie Fizzie, Fashogbon Eleffizie, the King for Fizzie Republic walahitalahi you be learner. Na Fashie get the most popular boutique for Ibadan before and him still be the King of Fizzie Republic wey dey deal with Branding plus publicity. The hardworking bros wey dey always ginger, step commot from Ibadan sometimes last year, when he dey go roll with all dem bigga boys for Naija entertainment like D'Banj and co for Lagos. But now he don show again and he don ready to reload and refire. He wan relaunch the brand for Bayse 1 Hotel wey dey Jericho for Friday 11th December by 2pm, according to Fashie, na whether you get IV abi you pay 100k. No be only dat o, bros still wan do wetin he call Fashion Charity Dash Out, dat one go shele for the same day but for him office wey dey 151 Adamasingba Shopping Complex and e go make brain if you sef fit bring cloth come donate but sha make sure say na beta cloth wey you don wash wella before you carry am come. Time for that one na 9am. We for TPN say welcome back boss.
No comments:
Post a Comment