Tell dem if na play make dem stop am o, abi na which kain play be dis one wey fit give persin heart attack. Na on Wednesday Governors or Naija meet for Aso Villa for Abuja where dem go do dem meeting and na after the meeting, dem Chairmo, AbdulAziz Yaro wey be Governor for Zamfara State say e be like say dem no go fit pay the 18k minimum wage again o. Because na federal government bin take by force put the money for dem head but dat na when fuel dey sell for 126 dollars for one barrel, but now wey oil money dom fall to 41 dollar for one barrel. How dem wan take continue to dey pay dat kain money wen money wey dey enter dem hand no reach to even pay salary. Dem say wetin dat one mean be say make dem reduce number of pipu wey dey work for dem or make dem reduce dem salary but sha before dem do dat, dem wan follow Presido and him ministers yarn. Abeg if na play make dem stop am o.
No comments:
Post a Comment