Na last week Wednesday the bad mata shele for TK Balogun
Street, igbo Olomu, Ishawo around 2am when the 27 years old woman, Folashade
Shodiya and her 39 years old husband, Jude Igbinedor dey argue on top money. 2
of dem dey run things together now for 7 years even though dem parents no gree
support dem union.
Tori even yarn us say e no tey wey 2 of dem pack enter that
area and say na jeje dem dey go o, except say the woman dey quick vex and her
husband dey smoke. Dem say the woman bin don borrow 1k from persin say she go
give am back when her husband come back from him my mama place where he go. And
when he come back he carry money follow body but he no wan gree settle the
gbese and na wetin cause argument be dat. The wife sha talk say na the husband
first take hanger hit am before she carry knife take scare am and mistakenly
chuke am wey kpain am.
No comments:
Post a Comment