Police for benue State don catch one 32 year old oponu, Terkula
Iorpuur wey dey stay for the back of Hemko Hospital for kanisho area on Thursday
and dem show him face for court say he take by force chop the unripe ogbono of
2 small girls wey be sisters, one na 8 and the other one na 6 years old.
Olopa say wetin the bad guy do na rape under section 284 of
the penal code, he even say na the uncle of the small girls report the matter
to police on October 6 wen he notice say dem no dey waka well and Doctor
confirm am say someone don do the girls strong thing. Na later wen den shine
eyes for the small girls dem confess say na dem mama guy man, Iorpuur do dem. The
baddest thing for the matter come be say this yeye guy, Iorpuur don get HIV for
body. But sha tori no yarn us if he don carry am dash the small girls or not.
No comments:
Post a Comment