One kamoru Kushimo don chuke and kpain him long time padi , 25-years
old Olawale Salau who be lottery agent o. The bad thing shele on
Wednesday, last week for Alafia Street, for Iyana Ipaja area of
Lasgidi. PUNCH Metro hear say the person wey don bin done try free kamoru from
police hand because say dem bin arrest am say he hayaj persin for dem neighbourhood.
We hear say na since den Salau don dey yarn him friend wey
no get job say make he bone thug life. One persin wey dey stay for the afrea
say na all dis kain talk make Kushimo vex come go hayaj Salau say he dey report him matter round the
world wey make pipu dey look am like gonfabi . Dem say later that day na so so
abuse he dey abuse am o, wen all of dem gather go high for one joint but as he
talk reach salau no answer am at all na pipu come dey try hold am say make he
stop but he no gree.
Salau say if na for dem friendship to end no qualms, make
dem make am so but all of dem shock o, wen Kushimo say dem gats to fight o and
as pipu dey try settle the gbege na so Kushimo grab bottle and break am for wall, take woundjure some pipu around but salau no gree let am use
am and na so some agbalagba for the area come separate dem say make everybody
waka him own separately.
But Salau no know say him guy don go perch for inside
darkness dey wait am with knife. And na so he go chuke am die o. The PPRO, DSP
Kenneth Nwosu confirmed the mata say dem don carry the dead body go mortuary.
No comments:
Post a Comment