EFCC don catch one Jibiti wayo man o, Adekunle Balogun, wey
dem still dey call Malan Salihu, on top say him hand no pure for one Jibiti
wayo wey involve $1m. Dem catch the 44-year-old guy wey be say na OND he get
for Textile and Polymer Technology on top say him 419 one Precious Emelue of
N100m.
EFCC megaphone, Wilson Uwujaren, yarn say suspect lie make Emelue believe say him go fit help am collect him $1m from one Pakistani bank: Kan-Cern Limited, wey International Monetary Fund no greee let them pay am.
Uwujaren say Emelue claimed say in 2012, him meet one Mr. Perry Kandoharty, who
be diplomat with the Pakistani High Commission in Lagos. And na wen dem dey
gist Emelue yarn Kandoharty say him get experience no be small for deep sea fishing.
And na so dem go agree to dey work together. Emelue say Kandoharty send am mail
wey inform am say him don deposit $1m into Kan -Cern Limited. And na dis money IMF
stop wey Balogun yarn am say him go fit pull out for am. Den even say the bad
guy form say na him be Oga of EFCC, Ibrahim Lamorde, and used him name to collect
extort money from his victm.
No comments:
Post a Comment