LASU STUDENTS DO ALUTA FOR FASHOLA ON TOP SCHOOL FEES MATA

Students wey dey vex yesterday, scatter normal life yesterday for Lagos House, Alausa wey be office of Governor Babatunde Fashola as per say dem block the entrance and dem start aluta wey dem take dey talk dem mind on wetin dem call “arbitrary hike” that is to say increase wey no make sense for dem school fees for the Lagos State University, LASU.

The students wey  Mr. Sunday Ashefun, lead na dem bombard the governor office like 1pm and one of the plenty things wey dem demand na say make the governor sharperly sharperly reduce dem School fees, say make Federal Government honour the agreement wey dem entered with Colleges of Education Academic Staff Union, COASU for 2010 plus the one wey dem do with Academic Staff Union of Polytechnic and other staff unions

 

The studentswey carry placard na him dem allow dem enter around 2.30. in the afternoon. Dem also ask say make dem implement wetin United Nations Educational, Scientific and Cultural Organisation, UNESCO yarn say na 20 per cent  of budget make government dey carry give education.