Nasarawa State House of Assembly yesterday don pursue 6 of dem legislators for wetin dem do for the kasala wey burst for the floor of the House on Monday. Yesterday, the 6 legislators wey be the main actors for the gbege movie na him dem DSS halla dem, make dem come yarn dem wetin happen but dem other Padis don vote say na make dem commot from the house patapata be the solution. The six legislators wey dem pursue na APC members and dem name na: Abubakar Kana, Kokona West; Kassim Kassim, Akwanga South; Mohammed Okpoku, - Udega/Loko; Makpa Malla, Wamba; Musa Ali, -Keffi East; and Murtala Sodangi, -Nasarawa Central. Na dem dey pursue for one kain meeting wey deputy speaker, Godiya Akwashiki siddon on top and offence wey dem put for dem neck be say, dem mis-do, and na the Majority Leader, Tanko Tunga, raise the motion say dem don fall the house hand. As he talk am, na so Minority Leader, Muhammed Alkali plus 14 others legislators wey dey there gree say na confirmer.
No comments:
Post a Comment