Federal government don say make Naija pipu no vex for the power supply wey don fall yakata. For one statement by Segun Adeyemi, wey be special adviser to the Minister of information and culture, Lai Mohammed, Federal government say na gas pipeline wey some bad pipu go scatter na him cause am.
Dem say na Forcados export pipelines wey dem burst na him make oil companies shut down, wey dem no fit come produce gas. Then, workers for Ikeja DISCOS, wey dey do Aluta on top how dem pursue dem Padis wey no pass test, go collabo with National Transmission Station for Osogbo say make dem off light. Finally, the strike wey unions for NNPC, dey do on top re-arrange of NNPC, na him off light for Itarogun power station, wey big pass for Naija. So na just13 out of the 24 power stations for Naija dey work now. Dem say na still dis kain yeye thing dey affect our petrol mata for dis country. And if the bad pipu no stop.... Na God hand we dey O.
No comments:
Post a Comment