PDP DON TALK WETIN APC DEY DO WEY DEY VEX DEM

Na yesterday all the pipu wey get mouth for PDP under different aburada talk wetin dey vex dem wey APC dey do. All of dem under plenty aburada like the Governors forum, National Working Committee, Board of Trustee plus National Executive committee gather for one kain big meeting for Abuja wey dem call dem Party's National conference wey shele. Na for there the persin wey dey form BOT Chairmo, Haliru Bello say APC just dey chop the benefit of the work wey dem party don do and na dat one dey pain dem pass, also APC still dey run dem mouth anyhow ontop Uncle Jona and him government, still lie for country pipu say dem don finish money wey Naija get before dem hand over. But now, almost 6 months wey APC don enter government dem neva even sabi where dem wan face, talkless of say dem go do all the plenty things wey dem promise for election time