This life strong sha o, who go fit believe say persin like we former Presido, Baba wey like prayer pass anything, general Yakubu Gowon get pikin wey dey oyinbo prison since 1992. As you dey shock na so me sef shock when I read am dis morning for ladunliadi blog say the guy wey him name be Jack Musa Gowon don dey oyinbo prison since dem catch am in 1992 say he dey smuggle oyinbo igbo wey dem dey call Heroine enter dem backyard.
the tori say him Papa try dat time but oyinbo no gree release am, the guy sha deny say na robe dem robe am, him hand pure but to oyinbo all that one na Story for The gods. The boy sha tyry he don go school become Lawyer when he dey for prison and him dey do normal for prison na him make Obama free am and the guy don dey for Taft Correctional Facility Bakersfield California and anytime from now dem go package am send to us for him Papa land, Naija. I say congratulobia to Papa Gowon at least he still dey alive see him pikin.
No comments:
Post a Comment