NAWA O, 40 ROBBERS BOMBARD BANK FOR AGBARA KPAIN PIPU

Make God sha dey save us ni o, abi who go expect say Robbers go come rob bank early momo like 8:30am. Na so e be for Agbara wey dey Ogun State when plenty robbers go bombard the banks wey dey the area. But according to pipu wey see everything with dem 2 korokoro eyes say dem say na only Zenith Bank dem fit enter, dem no get chance take enter GTB and Firstbank wey dey the area. But sha o, dem take gun design the area, even collect money from pipu wey dey use ATM. As dem dey shoot anyhow, dem kpain one Police man wey dem call Kadiri Aliyu, shoot one woman wey get belle for leg, come still go kpain another woman wey get baby for hand for where dem wan pass escape. We pray make Baba God dey protect all of us o.