If I hear anybody say Ibadan comedians no dey make sense, shebi Bible sef yarn us say na by dem fruit we go Sabi dem. Na King of comedy Ali Baba start competition O, every 3 months and for the last 3times now, na Ibadan comedians dey go flog all other comedians from all over Naija for Lagos where the Mata for dey shele. First na Arole, Remote follow and now ASIRI don follow flog dem for the one wey shele on Saturday 14th November. Na him be say when dem go dey do final competition for Ali Baba January 1 concert, na 3 comedians go carry Ibadan flag and e sure me die say na one of dem go carry the car come house, wetin still surprise me pass be say, the 3 of dem dey always roll together one kain one kain and 3 of dem na gospel comedy dem dey do pass. We for TPN say congratulobia to the latest champion ASIRI. I know say very soon una go make us proud again.
No comments:
Post a Comment