Everybody for Ibadan plus including Nigeria don dey ready dey wait for December 6 wey TEDx Bodija go shele dis year, we wan see how person go fit THINK, UPSIDE DOWN, maybe na magic abi na scope. But now e be like say the pinshure don dey clear small small for we eyes cos apart from say dem wan show us some kain wicked APP wey some of we guys for Ibadan do, dem don still yarn us the beta pipu wey go yarn for the event.
Na yesterday dem polongo say number 1 radio man for Ibadan, Edmund Obilo from Splash FM, Timi Olagunju Esq. wey be Mandela Washington fellow for dis year and wey just release him book, YES..AFRICA CAN, the Oga for Red Media Africa, Chude Jideonwo plus one bros from Zimbabwe Munyaradzi Gwatidzo go follow join pipu wey go yarn for the mata. Na him be say the event dis year na bumpa to bumpa, make you no try miss am.
If you neva download THE PIPU'S NEWS for today on top www.thepipusnews.podbean.com, you no dey try.
No comments:
Post a Comment