UP FASHOLA….HE DON TAKE HIM HAND CATCH HIM OWN PIKIN WEY MIS-DO

Governor Babatunde Fashola of Lagos State on Friday don take him own hand catch one of him pikin, the guy dey work with the Lagos State Signage and Advertisement Agency, Israel Onyemaechi, say him dey drive against traffic, he pass one way. Na for Awolowo Road, Ikorodu, he for catch am when he go inspect projects for the Ikorodu and Epe areke area.

PUNCH Metro hear say the governor convoy block the guy vehicle and dem bring am down from the blue bus wey dem brand LASAA. Then say na beg the guy come dey beg Fashola o, but dem say BRF dey para o say him dey think say  pipu wey dey work for the state suppose get brain dey lead by example and na him make dem seize him car. 

Make we no forget say na so BRF still catch one colonel, K. I. Yusuf on July 17, 2012 wen he go hayaj the guy and catch am say he dey drive on top the BRT lane for Outer Marina. He even dey catch okada pipu wey dey ride on top restricted routes