The 30-year-old woman, Dupe Ikharia, wey her
husband, Corporal Lucky Ikharia, take motor jam her legs on October 30 son
kpain for hospital o. Tori say she kpef aound that kain 6.30pm on Friday,
November 7 wen her case bad gan for one traditional orthopedic hospital for
Mushin, Lasgidi.
Na last week PUNCH Metro report am say Lucky take bus jam him
wife on top N2, 000 wey cause gbege. Dem say after the guy vex commot for there
say make she die if she go die Lucky go to him house where he still go chuke
dem one-year-old pikin, David, he chuke am die take exponse all the innocent
pikin intestines. After he do all the bad tins finish na him also try to kpain
himself but pipu no gree let am die sha and immediately he do am finish na him
dem police catch am.
On Thursday morning wen the matter critical na
him one nurse yarn punch say Dupe’s spinal cord plus one bone around her neck don
woundjure for the matter. But na her elder brother, Mr. Segun Akiode, confirm
am say she don kpain and say dem don go submit petition to Oga Commissioner of
Police, Cornelius Aderanti, on Friday afternoon go submit petition. But sha o
dem say dem no see Lucky the bad guy who do the bad thing again o, even for
police detention.
When dem ask megaphone for Lagos State, DSP
Kenneth Nwosu say where Lucky dey he say him go halla back but he never do till
dem carry the gist.
No comments:
Post a Comment