SEE DEVIL O... ABI WETIN FIT MAKE WOMAN CARRY STONE BREAK HIM 8YR OLD PIKIN HEAD?

Police for Lagos State don catch one woman, Mary say she break carry stone break the head of her  8-year-old pikin. Tori yarn us say the pikin, Samuel go dem neighbors house when the Mama no dey. Na Furniture Avenue, Jakande Estate Gate for Isolo area dem dey stay and na stone the Mama stone the boy wey she take break him head. Tori yarn us say na police from Isolo division save the woman O, cos pipu bin wan

 gather hand beat am. But police carry am, come still take Samuel  to one government hospital. Tori yarn us say on Friday, about 1pm, Mary who be lotto agent, come back no see Samuel for house, na when she dey find am,  she go see am for dem neighbor house and as she dey wan flog the boy, na so the boy tear race wey make the Mama carry stone throw for the boy. Na so the stone hit am for head,  come scatter am. One of dem neighbors say wetin make pipu wan flog Mary na bcos say dem believe she too dey wicked the boy, even the boy don commot from school since last year, just dey siddon for house.