If you like tungba groove and you dey circulate well, LifeLines Show no go new to you cos the show don dey around for some time now. From Spiders Cafe for inside Agbowo Complex, to Pete's Bar inside Trans, go A3 for Sango. TF wey plenty pipu dey call Afin no dey gree and na so he dey push the show, finally he be like say TF don push am enter spotlight cos dis Sunday LifeLine Arts Show go tuff die. We go enjoy Juju, Fuji, High Life, Folk, Jazz, Chant, comedy etc. Persin wey go dey on top the Band stand na Yomi Duro Ladipo and Him Proclaimers Band, and also dem yarn us say Uncle Toyin Ajagun go dey there too. Na so Actors and Actresses go full there o, pipu like dis Aunty wey fine die, Rose Odika, Muyiwa Adegoke, Muyiwa Ademola, Dupe Jaiyesinmi, Taiwo Ibikunle plus plenty others. Gate Fee na Free o. Awoof Berekete na him gangan be dis one.
No comments:
Post a Comment