God punish devil wey dey deceive pipu say dem no fit blow from Ibadan. If we no sabi anybody wey don blow from Ibadan, shebi we don see Yinka Aiyefele, we don see Lafup and now we don see Peteru. No be today wey Peteru don dey make brain for Ibadan plus Naija, now Baba God don butter him mama bread as he don turn international. Na dis morning the comedian, wey still don dey do OAP join for Naija FM, Ibadan share one pinshure for facebook wey he take polongo say him no be local champion as he dey go headline one comedy show for Atlanta for USA, obodo oyinbo. According to wetin the design yarn, the show name na ATLANTA MUST LAUGH II and na December 11th the level go shele, so if you dey go dat side dat time, make una sharperly dey book una ticket before dem sell am finish. From TPN we say congratulobia brodaly.
No comments:
Post a Comment