No be small mata o, me sha dey like the way e dey go
sha. Ibadan pipu like news paper review no be small and all the radio stations
don know so dem dey plan dem come. Before now splash fm don siddon on top radio
from 9am to 10am, Monday to Friday with dem Tifun Tedo. No body for Oyo State
fit talk say him no dey enjoy the programme and all the pipu wey dey present
am, Before before na Folake Otuyelu and Abolade Salami before Kola Ladoke and
Bayo Faleke come join dem, den Abolade Salami commot go oluyole FM.
Recently sha, as new radio stations dey come na so dem
dey package dem own Yoruba paper review come and the time wey dem come dey put
am go show say dem wan collect the 9am to 10am from splash hand. Inspiration
don vex go carry some Bros for the level wey sabi well well and dem call dem
own, Kalekaako with dem MR. GRA and co for that same am. Na so Fresh fm too put
dem own Ajabaale for 8:30am and na Abolade salami plus including Adebayo Faleke
come dey do am, but sha dem don put some jara for dem own wey make am different
small from the others. So who go come
win dis better war, make we siddon dey look. Elemi lo ma last!
No comments:
Post a Comment