SECONDARY SCHOOL STUDENTS FOR OYO STATE DO ALUTA TO SAY DEM NO GREE MAKE GOVERNMENT SELL DEM GIVE PRIVATE PIPU

As Labour leaders for Oyo State Neva commot from Agodi prison where dem for do dem weekend sake of say dem do anyhow to Oyo State government for one kain forum wey dey arrange where dem for wan discuss wetin dem dey plan to carry secondary schools for the state give private pipu. Na him make pipu wey wan fight the level use see brain, COS the state government till today still dey PARA SAY nobody go fit stop dem from wetin dem wan do. But the mata pass anoda way commot today when Secondary school students for Oyo state enter Street dey do Aluta say lailai,  dem too no gree O, dem no wan make government carry dem school give private pipu. Some of dem wey dey the aluta carry paper wey dem write "No to return of schools". Make we see if Governor for Oyo State go re think am Abu he no go still answer dis small pikin too, he sha no fit carry dem go Agodi too.