Monday, June 6, 2016

OGA PATAPATA FOR U. I. DON THROWAY STATEMENT TAKE DEY BEG STAFF WEY DEY PARA

The Oga Patapata for U. I., Prof Abel Idowu Olayinka don throway one statement today wey dem put Saturday, 4th June date, take dey beg all the unions for the school wey dey vex for am sake of say dem salary no dey complete for some months now. For inside the statement, he explain day dem follow Minister for education, Adamu Adamu do meeting for Abuja on Monday and he promise dem say dem don dey follow Accountant General for the Federation arrange how dem go take dey pay the remaining salary wey don turn gbese for dem neck. Oga Professor still say the thing just dey coincidental say na when he enter power, e come start like dat, he say him too dey feel the pain cos he sabi how things take cost for market now and how e dey affect dem. He come beg dem make dem get small patience join the one wey dem binding get before. He still say dem dey work to see how students go soon take show back for school make academics mata continue for the school.

No comments: