Hmm... Ibadan pipu no slack at all to yarn wetin dey dem mind today on top wetin Oyo State government dey reason say dem wan free schools for old students, private pipu abi body wey get interest for the mata. On top different popular newspaper review wey TPN monitor today, pipu wey call enter just dey tear, dey para. Some of dem wey call for Edoki Iroyin on top Lagelu FM, claim say dat kain thing go cause religious gbege for the state O, as everybody go dey talk wetin favor him religion for school wey he dey control. Some say the money go too much for parents to pay, some say politicians fit take advantage of the thing take scatter education for the State. One Alhaji wey call on top Ajabaale for Fresh Fm just dey take style dey pray some kain prayer for Governor, say he no go mis-do O, he no go die throway O. All na make he sha no reason am at all O, sake of say na bad idea O. Toor we no Sabi when and how Oyo government dey plan am, but e go make sense if dem fit allow dis plenty public opinion guide dem o.
No comments:
Post a Comment