SEE WETIN DEM DO SMALL PIKIN BOMBER WEY DEM CATCH FOR CAMEROON

Office of we Presido say health and security pipu for Cameroon don start yesterday to treat the suicide bomber wey dem catch who talk say she be one of the 219 Chibok girls wey we dey find for Naija. Na last week dem catch the girl when she dey try blow Limani village for Northern Cameroon. One statement by we  presido megaphone, Garba Shehu, say 

the pinshure of the girl wey dem see show dem say na small pikin she be and she Neva for pass 9 to 12 years. Dem say person wey dey follow am arrange the bad level na around 30 years or more, and na Kanuri language dem two dey speak. But bcos of wetin law talk about small pikin pinshures, Federal government say dem don push the girl pinshure to the Murtala Mohammed Foundation say anybody from Chibok wey wan check am fit go there go see am.  The Ministry of Women Affairs, the Nigerian High Commission for Cameroon plus other agencies of government dey work with other pipu wey get mouth  to confirm the Mata.