SEE HOW MANY DAYS OYO WORKERS GIVE AJIMOBI TO PAY DEM 5 MONTHS SALARY

Omobola - Oyo state workers wey dey under Nigerian Labour Congress (NLC) plus Trade Union Congress ( TUC) talk say dem give the State Governor Abiola Ajimobi 7 days pere to roger dem 5 months salary give them. As per wetin the State NLC chairmo, Mr Waheed Olojede yarn on Tuesday, he say the government no gree see dem even as dem don ask dem taya.  Olojede talk say the palava wey dem dey cos as dem no dey pay salary no be small, the thing don cause poverty, he still say na person wey dem do beta for,  na him dey work well O.  He con continue  say if the government no gree follow dem do meeting,  dem no fit talk wetin fit shele O. And dem no fit guarantee state government say everything go normal for the state o.