SEE 7 REASONS WHY WE THINK KENNYBLAQ NA THE NEXT BIG THING FOR NAIJA COMEDY

If you dey hear legelege can destroy na this guy dem dey talk, but Sha him no dey destroy, na happiness he dey spread like virus. Comedy industry for Naija no be small mata, na place where pipu dey hustle with plenty packaging. Naija comedians plenty but dem get class. Just like every other place,  

to break enter the topmost top, no dey easy at all. Last Comedian wey get sharp sharp promotion enter the top na Akpororo, and he do justice to show say he really deserve am. For some time now we for TPN don dey follow the comedy market and e be like say we don spot the next big thing and make we call am comedian wey dey grow fast pass. Him name na Kennyblaq, from the name you go don Sabi say the guy na twins. He get small body and him style different. The guy no be just a Comedian he still dey sing, just like Akpororo too dey sing and he funny die. We no just talk without evidence O, make una see wetin make us feel say na Kennyblaq be the next big thing for Naija comedy.

1. He perform for Darey' show, Love Like A Movie, where CIARA too for perform.
2. He perform for AY Live
3. Dem don confirm am for ilaff with MC Abey
4. He perform for Standup Nigeria,  UnilagFiesta
5. Fashion Brands don dey famz am, na one dress am for LLAM3, anoda one for AY Live
6. Media houses too dey like feature am well well
7. I go dye put am for him show for London