Shey una remember last year September wey P SQUARE and Soundcity wan tear eachother blood on top money mata. We call you for show, you dey ask for money. Who you help? You dey play my video for free? And all those palava, wey make Jude OKOYE, dem P square broda and manager go dey yab Soundcity on Twitter and dem too for Soundcity no let am cold before dem respond.
Later sha dem say dem no dey play P SQUARE songs again, say dem too proud and P SQUARE say make dem Waka far cos dem no dey show dem respect. But today e be like say dem don bone all the kasala and wan allow peace make e reign. Cos Paul OKOYE dey dem office for Soundcity, go snap pinshure come put am for instagram with message wey he take dey thank Oga Tajudeen Adepetun wey get Soundcity, say thank you say you allow peace to reign. But we no see Peter for the pinshure so far O, shey na true true, P Square don scatter? E come be like say na Peter first cause the quarter sef.
No comments:
Post a Comment