Tori wey dey reach our hand now dey clear us say no be small gbege dey shele for Eruwa campus of THE Polytechnic, Ibadan dis morning, 29th of March. Tori Neva fit confirm wetin really cos the gbege, some say na on to say the school add some kain money join dem school fees, wey dem bin do do peaceful Aluta for some 2 weeks ago, anoda say the school dey change courses for some HND student ni. But the koko sha be say dem don start gobe. The one wey make person fear na him be the rumour say na one babe wey get asthma kpain for the Aluta when police shoot tear gas, some say na one person, anoda angle say na two. But TPN Neva fit confirm if na true any student kpain and wetin really cos the katakata. We go dey update una as e dey go.
No comments:
Post a Comment