Dem Oga for NFF go do meeting with Sports Minister, Solomon Dalung, for Abuja today to yarn on top NFF plans say dem wan sign foreign coach, plus how we Super Eagles fumble for the Gabon 2017 AFCON. Na Egypt take 1-0 pursue Naija for the match wey dem play for Alexandria last month. We Eagles get only 2 points from 3 games, and Egypt get 7 points for Group G, where na only one team go qualify for Gabon. Naija no go 3 out of last 4 African Nations Cup competition, and NFF don say na we local coach wey dey lead Eagles since 2008,no dey try, na dem dey cause am. Tori yarn us say NFF Presido, Amaju Pinnick say NFF go fit scope the minister, Dalung to gree dem make dem get foreign coach for the country, and person wey dem go get go be person wey Sabi, wey go fit do beta for we country football.
No comments:
Post a Comment