EEYAH....FEDERAL GOVERNMENT DON FORGET THE $2O BILLION WEY DEY MISS

Shey dis one na mistake ni abi na signal say make we bone, cos Six months after dem last meeting, members of National Economic Council, wey be the Oga governors for we 36 states plus including some ministers,do dem meeting again on Thursday for Presidential Villa, Abuja.

Dem say d meeting wey Vice Presido Namadi Sambo coordinate no just talk one thing on top the money wey dey miss from Federation Account, wey Nigerian National Petroleum Corporation no gree remit.

We no go forget say the missing money join one of the reasons wey make dem no do dem meeting for like 6 months now cos d meeting suppose dey shele every month cos say dem bin don hear rumour say dem wey be members of Governor’s forum wey be Amaechi faction dey plan say dem go challo Sambo on top d mata. The taafia wey gist us d mata say dem  o even show face of the money mata on top dem meeting agenda.